पूर्व सभामुख दमननाथ ढुङ्गानाया अन्त्येष्टि सोमबार जक जुइगु । बानेश्वरस्थित फ्रन्टलाइन अस्पतालय् वासः याकाच्वम्ह वय्क ८३ दँया वैसय् मदुगु खः । वरिष्ठ अधिवक्ता तक जुयाच्वम्ह ढुङ्गाना ताहाःक ई निसें स्वः व स्येंया ल्वचं ग्रस्त जुयादिगु खः । आइतवाः अचानक स्वास्थ्यय् समस्या वय्वं वयकयात उपचारया लागि अस्पताल यंकुगु खः । अस्पताल यंकुगु खसा लय् हे मदुगु खः ।
२०४८ देखि २०५१ सम्म प्रतिनिधि सभाया सभामुख जुयादिम्ह वयकयात प्रधानमन्त्री केपी शर्मा ओली व राष्ट्रपति रामचन्द्र पौडेलं श्रद्धाञ्जली विइगु दु । ढुङ्गानाया छम्ह कला, छम्ह काय् व छम्ह म्ह्याय् दु ।
By सुनिता महर्जन
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।