जनता समाजवादी पार्टीया नेता तय्स जाति, भाषा, धर्म व संस्कृतिइ जुइगु विभेद आःतक न जुयाच्वंगु दु थुकियात अन्त याय्मा धका जोड बिल ।
जनता समाजवादी पार्टी येँ जिल्ला समन्वय समितिया ग्वसालय् नेपाल संवत् ११४५ न्हूदँ, स्वन्ति व छठया लसताय् जुगु छगु तुच्चा ज्याझ्वःलय् नवासें नेतापिन्त अथे धयादीगु खः।
जनता समाजवादी पार्टीया अध्यक्ष अशोक राई न खँ ल्हायेगु स्वया न ज्या याना क्यनेगु ई खः धका धासें । नेपाल संवत् नेवाःतय् जक मखुसें सकल नेपाःमि तयेगु संवत खः धका नं धयादिल । नापं वय्कलं भाषा आन्दोलन व नेपाल संवतयात स्थापित यायेत अझ न आन्दोलन यायेमाला च्वंगु दु धका धयादीगु खः।
अथेहे पार्टीया सङ्घीय परिषद् अध्यक्ष राजेन्द्र श्रेष्ठं पार्टी न ल्ह्वंगु नेपाल संवत्, राष्ट्रिय संवत लगायत मुद्दाय् छु उपलब्धि जुगु दु । अझ नं दक्को पूरा जुगु मदुनि, उकिया निति दक्कोसिया थःथःथु थासं ज्या यायेमाः धका धयादीगु खः।
अथेहे मेम्ह जनता समाजवादी पार्टीया नेता, खानेपानीमन्त्री प्रदीप यादवं स्वनिगलय् व मेलम्चीइ च्वपिनिगु सङ्घर्ष नाप चेतावनी ब्यूसा मोहनिया इलय् स्वनिगलय् लः हयेत ताः लागु दु धका धयादीगु खः। मन्त्री यादवं थःगु हे कार्यकालय् येँ चौबिसै हे घण्टाय् लः वइगु वातावरण दयका च्वनागु दु धका धयादीगु खः।
उगु ज्याझ्वः जनता समाजवादी पार्टी येँ जिल्लाया अध्यक्ष सृजनमान श्रेष्ठया सभाध्यक्षताय् जुगु खः।