थाैं सुथय् सक्वया सुन्टोलया जयबलि लागाय् ९० दँ लिपा मंकाः कुमार पुजा याःगु दु ।
कुमार पुजाय् १३० म्ह कुमार मस्तय्गु ब्वति दुगु खःसा साॅखु बजार योग साधना केन्द्रया ग्वसालय् कुमार पुजा याःगु दु ।
कुमार पुजा बारे साँखु बजार योग साधना केन्द्रया नायः प्रेमकृष्ण श्रेष्ठं कुमार पूजा यायेबलय् कुमार मस्तय्गु स्वास्थ्य लाभ जुइगु व निरोगी जुइगु खँ कनादिल ।
पुजा याःवःपिनि छेँजःपिसं तकं कुमार मस्तय्त बिस्कुट, चकलेटलिसें थीथी ज्वलंत इनेगु चलन दु । पुजा क्वचायेकाः कुमार पुजाय् ब्वति काःपिं कुमारपिन्त भाेजन याकेगु चलन दु ।