मखं त्वा मिसा पुच: ,२४ वडाया न्हापांगु साधारण सभा थौं जुल । पुचया नकिं रमिता बज्राचार्यया सभापतित्वय् न्ह्यागु ज्याझ्वःया उलेज्या मू पाहाँ जितेन्द्रबिलास बज्राचार्यपाखें याःगु ख: ।
न्वकु बिनिता बज्राचार्यपाखें लसकुस न्वचु बिया न्ह्याकुगु ज्याझ्वलय् ल्यू छ्यान्जे कान्ति तुलाधरपाखें प्रगती बिबरण, दांभरिं नलिना बज्राचार्यपाखें आ:तकया ल्या:चा बिबरण बिया दिगु ख: ।
क्यानडा, भ्यानकुभरया झीगु पला: सोसाइटिया ग्वाहालीं नेपा: छ्वया हगु फर्निचर व रेफ्रीजेरेटर सामानत उगु संस्थाया प्रतिनिधिकथं गीता बज्राचार्यं मयजु बीणा बज्राचार्ययात ल: ल्हायेगु न जुल ।
मखं त्वाः मिसा पुचपाखें याकनं हे थीथी ज्याझ्व: याना यंकेगु खँ धाःगु दु । उगु ज्याझ्वलं न्हूपिं सदस्यपिन्त हनेगु नं जुल । याकनं हे न्हापा थें म्ह्याय्मचा-भौमचा ज्याझ्व: यायेगु ग्वसा ग्वया च्वंगु दु । ज्याझ्व: लजुना बज्राचार्यपाखें न्ह्याका दिगु ख: ।
