किलाघ: मिसा पुच:या ग्वसालय फागुण १९ व २० गते इहि ज्याझ्व क्वचागु दु । निन्हु एकं जुगु थुगु ज्याझ्वलय् १३ जना कन्याया उपस्थिति दुगु ख: । नेवा: परम्परा अनुशार ५ दँ निसे ७ दँ तकया मिसामस्तय्त ब्या नापं बौमेसिन्ह कन्या दान विइगु चलन दु । न्ह्य: कुन्हु सामान्य पुजा याना: खिर व दुरु त्वका ज्याझ्व: सिधेकु ख: सा । कन्हे कुन्हु निसी याना: नौनि नं लुसि थिका भालिंचाय् स्वं तया मिसामस्तयात भागियाका: नौनियात लल्हाय्गु चलन दु । व धुंका मा तया: लोमाय् तुतिं निकां गुरुजु लगायत प्यम्ह बौया अगुवाइलय् जल अर्पन याना: पुजायागु थासय् फेतुका धलं दंकेगु चलन दु ।
थुगु ज्याझ्वलय् मचा,मा, अबु लिसें निनिया नं ज्या स्वानाच्वंगु दइ । बौ मेसिन्ह मचायत मुलय तया: व्यानापं ग्वा:या ह: ग्वय् ज्यनालप्ते व धेबा छग तया विन्ति याका: सखिपतं चिकि । व धुंका इहिया लागि स्वंगु जगेया थाय् मचायात बुया: चाहिकेगु चलन दु । धलं धुंका मस्त नापं मांबौयात खाँय् त्वंका चिस्वा: फेनिगु चलन दु । व धुंका सकलसित समयबजि नका ज्याझ्व: क्वचाकिगु ख: ।
