दँय् दँय् जुइगु माधव नारायण मेला स्वस्थानि व्रत थौ निसे न्ह्यागु दु । उकिया लागि माधव नारायण स्वस्थानी ब्रत तथा शालिनदी सुधार समिति पाखें छगु प्रेस सम्मेलन यासें थुगुसिया मेला न्हापा सिवें व्यवस्थित जुइगु जानकारी विउगु दु । यातायात व्यवस्था निसे कया खाद्य व्यवस्थापन,सुरक्षा व्यवस्थापन व्याक्क सुधार यानाः न्ह्यावने त्यनागु खँ नं उगु सम्मेलनय् धागु दु ।
मिसा पिनिगु अप्वः सहभागि दुगु थुगु मेलाय् व्रत च्वनिपिं मिसा पिनिगु किपा काय्गुलि धासा थुगुसि कडा याय्गु व किपालुमि पिन्त नं मो ल्हुगु किपा कयामदित इनाप यागु दु ।
धर्मालम्विपिन्त अपुकेगु लागि सछि मल्याक बसया व्यवस्था यानागु व सुरक्षा व शान्तिया लागि रुट दय्का न्ह्यावनेगु नं जानकारी विउगु दु । थुगुसि २५ लख भक्त जनपिनिगु उपस्थिति जुइगु अनुमान यागु दु ।
By सुनिता महर्जन
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।