नेवाःतय्गु सरोकारया पक्षयात तसकं हे माया मतिना याना उगु पक्षय् अधिकार प्राप्त यायगु नितिं नेवाःतयत आन्दोलन यायमा धकाः हौसला बिया आन्दोलनय् न्ह्योचिकादीम्ह नेवाः न्ह्यलुवाः लिसें मानव अधिकारबादी पद्मरत्न तुलाधर किपा अकित हुलाक टिकट पिथनेगु ज्या सरकारं याःगु दु ।
थःगु जीवनकालय् विशिष्ट योगदान याःपिं सामाजिक व साहित्यिक व्यक्तित्वया नामय् सरकारं भाजु तुलाधर सहित न्याम्ह व्यत्तित्वपिनिगु हुलाक टिकट पिथंगु दु । वयकः पिनिगु ख्वाः अङ्कित झितका तका वंगु टिकट पिथंगु खः ।
सञ्चार व सूचना प्रविधि मन्त्रालयय् २०८० साल असार ५ गते मंगलवाः जुगु ज्याझ्वलय् सञ्चारमन्त्री रेखा शर्मा प्रकाशित हुलाक टिकटय् प्रथम दिवसीय आवरणय् टाँचा तयादीगु खः । निगू लख थान प्रकाशित याःगु टिकट आः बजारय् न्याय् दइगु जूगु दु ।
हुलाक सेवा विभागं मानव अधिकारकर्मी नेवाः न्ह्यलुवाः पद्मरत्न तुलाधर, साहित्यकार पूणर्प्रकाश नेपाल ‘यात्री’, पर्वतारोही आङरिता शेर्पा, कवि माधवप्रसाद देवकोटा व गायिका कोइली देवीया नामय् टिकट पिथंगु खः ।