वशुवर्ण वचत तथा ऋण सहमारी संस्था लि ललितपुरया ग्वसालय् वंगु चैत्र २५ गते निसें २ महिने फोटोग्राफी तालिम नापं ५ दिनै खाद्य पदार्थ तालिम सम्पन्न जुगु दु ।
ललितपुर महानगर पालिका १६ वडा गाबहालया ग्वसालय् जगु उगु तालिम प्रारम्भिक व बेसिक रुपय् सम्पन्न जुगु उक्त तालिम नेवाः पत्रकार राष्ट्रिय दबू काठमाण्डौ जिल्ला संस्थापक अध्यक्ष एवं गोरखापत्रया पूर्व वरिष्ठ फोटो पत्रकार नातिकाजी महर्जनं वियादिगु खः । उगु तालिमय् १२ जना प्रशिक्षार्थिपिनिगु सहभागिता दुगु खः।
अथेहे वहे समुहया महिला उप समितिपाखें मिसापिन्त न्यान्हुया खाद्यान्न तालिम नं विगु खः । वयकपिन्सं पौ, मस्यौरा, आलुचिप्स, अचार तालिम गंगा शाक्यं वियादिगु खः ।
तालिमया समापन कार्यक्रम ललितपुर महानगर पालिका १६ वडाया अध्यक्ष निर्मल रत्न शाँक्यं तालिमय् सहभागि प्रशिक्षार्थिपिन्त प्रमाण पत्र वितरण यानादिगु खः ।
ज्याझ्वलय् फोटोग्राफर नातिकाजी महर्जनं पत्रकारिता क्षेत्रय् जक मखु दैनिक जनजिवनय नं तस्वीरया महत्वपूर्ण भुमिका दै धका धयादिगु दु ।
