म्ये हालामि भुपेन शाक्यया व्यवस्थापन व संयोजनय् मचा म्ये “स्कुल वनां आखः ब्वनां”या सुटिङ्ग क्वचाल। थुगु म्ये अमृत रत्न शाक्यं च्वयादिगु अले अनिल तुलाधरं संगीतवद्ध यानादिगु खः । शिव शाहीया संगीत संयोजन दुगु म्येय् भुपेन शाक्य व मचा म्ये हालामि सिर्पा खड्गीया स दु ।
निम्न वर्गिय परिवारया जीवनय् आधारित यानाः म्ये छायाँकन जूगु व्यवस्थापकलिसें म्ये हालामि भुपेन शाक्यं न्हाय्कंयात कनादीगु दु । थुगु म्येया म्यूजिक भिडियाेय् सिर्पा खड्गी व च्वमि अमृत रत्न शाक्यया मू भुमिका दुसा पवन जोशीया निर्देशन अथेहे राजेश शाक्यया छायाँकन व जीवन पासाया समा दु ।