वंगु २९ गते शुक्रवाः ख्वप लाय्कू लागाय् नेवाः देय् दबू ख्वप नगर कमिटीया ग्वसालय् बुद्ध जीवनीया किपा ब्वज्या जुल ।
२५६७ क्वःगु स्वांयाःपुन्हिया लसताय् बुद्ध जीवनीइ आधारित उगु किपा ब्वज्या मुनि विहार ख्वपया समन्वयय् जूगु खः । भगवान बुद्धया जीवनय् आधारित थीथी घटनाक्रमया जन्म, संबोधी ज्ञान लाभ, महापरिनिर्वाण प्राप्त याना बिज्याःगु किपा ब्वज्याय् दुथ्याकातःगु खः ।
नापं वसपोल विहार चक्रमणय् बिज्याःगु इलय् खंगु ल्वगि, फ्वंगि, मृत्युया घटना, भगवान बुद्धयात वःगु मार, वसपोलं भिक्षु संघयात बियाबिज्याःगु उपदेश, भिक्षाटन, गृहत्याग आदि थीथी घटनाया मुना तगु खनेदु ।