नेकपा एमालेपाखें महोत्तरी क्षेत्र नम्बर १ पाखें निर्वाचित सांसद लक्ष्मी महतो कोइरीयात निलम्बन याःगु दु ।
सशस्त्र प्रहरीया असई थमन विकयात स्याःगु द्वपं बियातःम्ह कोइरीयात मंगलबार निलम्बन यानागु संसद सचिवालयं सूचनाया पत्र तिकाः निलम्बनया जानकारी ब्यूगु दु ।
उच्च अदालत जनकपुरं वयात हत्या आरोपय् थुनाय् तयेत उजं ब्यूगु खः । अनंलिपा फरार जुयाच्वंम्हेसित मालेत ग्वाहालि फ्वँसें प्रहरी प्रधान कार्यालय नक्सालं संसद सचिवालययात निक्वःगु खुसिइ पौ छ्वसेंलि सांसद कोइरीयात निलम्वन याःगु खः । थ्वयां न्ह्यः प्रहरी प्रधान कार्यालय नक्सालं पुस ७ गते कोइरी फरार जुयाच्वंगु धासें संसद सचिवालययात पौ छ्वःगु खः ।
