हलिं नेवाः दिंया लसताय् १४ म्ह नेवाः राष्ट्रिय व्यक्तित्वपिन्त हनीगु जूगु दु ।
हलिमय् न्यंकभनं च्वनाः वयाच्वंपिं नेवाः मुना नीस्वंगु वल्र्ड नेवाः अर्गनाइजेशन (हलिं नेवाः दबू)या ग्वसालय् दँय्दसं हना वइच्वंगु हलि नेवाः दिवस थुगुसी चैत्र ११ गते (मार्च २५ तारिख)य् जुइगु ज्याझ्वःया तयारी सम्बन्धी जानकारी बीत थाैं ग्वसाःग्वःगु पत्रकार सम्मेलनय् थुगु खँया जानकारी ब्यू
प्रधानमन्त्री पुष्पकमल दाहालया मू पाहासुई जुइत्यंगु ज्याझ्वलय् विशेष हनाकथं जनकवि दुर्गालाल श्रेष्ठयात हनीगु जूगु दु । हलिं नेवाः दबू केन्द्रपाखें हनेज्या यायेत्यंगु खँ ज्याझ्वःया कजि रमेशमान मुनिकारं कनादिगु दु ।
सम्मानित जुइपिं व्यक्तिकथं पूर्व न्यायाधीश कल्याण श्रेष्ठ, पूर्व आइजिपि सिंह बहादुर श्रेष्ठ, समाजसेवी व साहित्यकार सुवर्णकेशरी चित्रकार, संस्कृति व इतिहासविद् प्रा.डा त्रिरत्न मानन्धर, हस्तकला कलाकार चिनीकाजी ताम्रकार, उद्योग व्यवसायी रुपज्योति कसाः, फोटो पत्रकार नातिकाजी महर्जन, गणितज्ञ व ज्योतिष देवनारायण महर्जन, अन्तर्राष्ट्रिय रेसलर मिसा मुना श्रेष्ठ, पर्यटन व्यवसायी कर्ण शाक्य, साहित्यकार मथुरा सायमि, पूर्व राजदूत केदार भक्त माथेमा व कास्की नेवाः खलःयात विशेष हनापाखे छायेपिइगु जूगु दु ।
अथेहेतुं नांजाःम्ह म्येहालामि रमेश ताम्राकारया नामं नीस्वनातःगु रमेश ताम्राकार संगीत सिरपाः लोकंह्वाःम्ह म्येहालामि प्रवेशमान शाक्ययात लःल्हाइगु खँ पत्रकार सम्मेलनय् नायः सुरेन्द्र भक्त श्रेष्ठं जानकारी बिउगु दु ।
पत्रकार सम्मेलनय् नुगः खँ तयादिसें नायः श्रेष्ठं हलिं नेवाः दिवसयात तःजिक न्ह्याकेगु निंतिं थीथी ज्याझ्वःत न्ह्याका वयाच्वनागु जानकारी वियादिल ।
अथेहे पूर्व नायः सुरेन शाक्य हलि नेवाः दि न्ह्याकेत न्हापा ग्वाहालि यापिन्त लुमंका दिल ।