किलाघः त्वाः या कजि लिसे दिप्याखँया संरक्षक इन्द्र महर्जन मदुगुलिं थिथि खलः पुचः मुना किलााघः त्वाः पाखें विचा हायकल । स्व. इन्द्र महर्जनया किपाःलय् स्वाँमा क्वखाय्का शुरु जुगु उगु ज्याझ्वलय् सहभागि सकलसिनं स्वाँ देछागु खः ।
ज्याझ्वलय् किलाघः त्वाःया नायः वंशीकृष्ण डंगोल, मूगुरु लक्ष्मीनारायण महर्जन, हामू आशा रत्न महर्जन, सचिव बाबुराजा महर्जनलिसें किलाघः त्वाःया गुरुपिं व त्वाःखलःपिनि ब्वति दुगु खः ।
