वंगु शनिवाः(२०७९ भाद्र ४गते ), येँ महानगरपालिका २७ वडाया ग्वसालय् क्यान्सरविरुद्धया सचेतना अभियान सम्पन्न जूगु दु । विश्वय् तसकं ग्यानापुगु रुपं कयावयाच्वंगु स्तन व पाठेघरया म्हूतुया क्यान्सर रोगया बारे सचेतना बिइगु आःजु कयाः जूगु ज्याझ्वः खः । थ्व ज्याझ्वः अन्नपूर्ण उच्च माध्यमिक ब्वनेकुथिया हलय् जूगु खः ।
उक्त सचेतना ज्याझ्वःसं डा.अरुण शाहीया उपस्थिति कथं ब्वतिकापिंत स्तन व पाठेघरया म्हूतुया क्यान्सर ल्वय्या सचेतना, थ्व ल्वचं बचे जुइगु उपायया बारे, ल्वचं कइगुया कारण व मिसातयेत जुइगु स्तन व पाठेघरया क्यान्सर विकराल जुइगुया कारण बारे जानकारी बियादिल । ल्वचं कइगुया कारण न्ह्यागुहे जुसां इलय् हे ल्वय् पत्ता लगे जुसा सकारात्मक सोच व दृढ मनोबलं सम्भव जुइगु डा. अरुण शाहीजुं धयादिगु दु ।
सचेतनाया झ्वलय् वडाध्यक्ष योगेश कुमार खड्गीजुं ‘दँय्दसं क्यान्सरया बिरामी मो जुयावगु जुगुलिं माःकथं थुकियाबारे यक्व जानकारी बीमागु जरुरी दु’ धयादिल। क्यान्सरबारे आपालं मनूतयेत सचेत यायेगु आःजु कयाः हे थ्व ज्याझ्वः तयागु धयादिल।