नेपालं विदेसय् वने त्यंपन्ति अध्यागमन विभागं न्हूगु भेरियन्ट लूगु देसय् वनेत मज्जि मगाःगु हे जूसा जक वनेत इनाप याःगु दु ।
विभागं सरकारया निर्णयकथं कोभिड–१९ या संक्रमण थीथी देसय् न्यनावनाच्वंगुलिं उकियात पनेगु आज्जुं थौं छगू सुचं पिथसें मेगु व्यवस्था मजूतले सचेत जुइत इनाप याःगु खः ।
ओमिक्रोन खनेदुगु देय्त (दक्षिण अफ्रिका, वोत्स्वाना, जिम्बाब्बे, नामिविया, लेसोथो, इस्वाटिनी, मोजाम्बिक, मलावी, र हङकङ)पाखें वइपिं वा उगु देय्यात ट्रान्जिट दयेकाः नेपाः वइपिं यात्रुपिन्त मङ्सिर १६ निसें तयातःगु नेपाः दुहाँ वयेगु रोकयात यथावत् हे तयातःगु दनि । वंगु स्ववाः दुने उगु देय् चाहिउ वंपिन्त तकं थ्व निर्णय लागु जूगु विभागं धाःगु दु ।
विभागं क्वःछिनातःगु गुंगू देय् व मेमेगु कोरोनाया उच्च जोखिम दुगु देसं नेपाः वइपिं नेपाःमि व कुटनीतिक व अफिसियल पासपोर्टबाहेक वा आवासीय भिसा कयातःपिं विदेशी नागरिकपिनि निंतिं तकं विशेष व्यवस्था याःगु दु ।
पूर्ण खोप काःगु १४ दिं दुगु, बोडिङ पास जारी जुइस्वयां ७२ घण्टा न्ह्यः पिसिआर रिपोर्ट नेगेटिभ वःपंि नेपाःमि नागरिक व मेपिनि हकय् कोभिड–१९लिसे ज्वःलाःगु लक्षण खनेमदुगु अवस्थाय् छेँय् हे १० न्हु क्वारेन्टिन च्वनेगु यानाः उजं बीगु नं विभागं धाःगु दु ।
