भूमि अधिकार व आदिवासी समुदायया मुद्दायात तयाः येँ जिल्ला क्षेत्र नं. ७, ८ व ९ या प्रतिनिधिसभा उम्मेदवारपिनिगु सार्वजनिक रूपं प्रतिबद्धता घोषणा सभा जुइत्यंगु दु ।
भूमि अधिकार संरक्षण समितिया मू ग्वसाः व स्वबासी सरोकार समाजया ग्वाहालि थुगु सभा याय्त्यंगु खः ।
उगु सभाय् बसन्त मानन्धर (क्षेत्र नं. ७), सुमन सायमी (क्षेत्र नं. ८) व राधाकृष्ण महर्जन (क्षेत्र नं. ९) पिन्स प्रतिबद्धता–पत्रय् दुगु माग तथा मुद्दा कार्यान्वयन याय्त थगु ल्हाचिं तयाः प्रतिबद्धता प्वंकिगु जुगु दु ।
ग्वसाखलया कथं प्रतिबद्धता–पत्रय् गैरन्यायिक मापदण्ड खारेजी, भूमि तथा प्राकृतिक साधन–स्रोतय् आदिवासी समुदायया पहुँच सुनिश्चितता, स्वबासीया परिभाषायात इं कथं परिमार्जन यानाः स्थानीय तह नं व्यवस्थापन, स्वायत्त, विशेष तथा संरक्षित क्षेत्र निर्माण, आइएलो १६९ तथा यूएनडिआरआइपि या पालना, स्थानीय भाषायात प्राथमिकता, गुथिया स्वायत्त सञ्चालन तथा भूमिहीन सुकुम्बासीया न्यायिक व्यवस्थापनयात कःघाय् त्यंगु दु ।
घोषणा सभा थ्वहे २०८२ फागुन १६ गते शनिवा न्हिनय् १२ः३० बजे खुसिबुँ येँ च्वंगु नेपाः ब्यङ्क्वैटय् जुइत्यंगु खः ।