Spread the love

सर्वोच्च अदालतं थप २० मिटर त्वःतेमाःगु धकाः याःगु फैसला व वहे फैसला कार्यान्वयन याःगु येँ महानगरपालिकाया निर्णयया विरोधय् सरोकारवालापिन्सं हाकनं येँया फिब्व ख्यः माइतीघरय् बिहिबार प्रदर्शन याःगु दु । आः कायम २० मिटरया त्वःतेमाःगु मापदण्डय् थप २० मिटर नं त्वःतेमाःगु धकाः सर्वोच्चं फैसला याःगु खः ।
स्वनिगःया थि थि थासं मनू मुनाः फिव्व ख्यः थेंका फक्कं छधि जुयाः प्रदर्शन न्ह्याकुगु खः । फैसला मखु न्याय ब्यू धैगु नारा ब्वति कापिंन्स थ्वय्कुगु खःसा हेटौडाय् जुयाच्वंगु छेँ थुनेगु ज्या नं दिकेमागु नारा थ्वयकुगु खः ।

 

By सुनिता महर्जन

वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।

Leave a Reply

Your email address will not be published. Required fields are marked *