नेवाः न्ह्यलुवाः नेवाः देय् दबू येँ जिल्लाया बरिष्ठ उपाध्यक्ष नाप न्हुदँ राष्ट्रिय समारोह सचिवालय दुजः श्रीजनमान श्रेष्ठया अबु मुकुन्द श्रेष्ठ आकाझाका मन्त।
बीर अस्पतालय् वासः याकेगु झ्वलय् सोमबार सुथय् ३ः४५ बजे मदुगु खः। वयक ६९ दँय् मदुम्ह खः। वयकःया अन्त्येष्टि सोमाबार १० बजे पशुपति जुगु दु । वय्क न्हापा प्रभात स्कूलया
मदुम्ह मुकुन्द श्रेष्ठया छम्ह जहान, छम्ह काय् व छम्ह म्ह्याय् दु ।
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।