त्रिभुवन विश्वविद्यालयया कक्षा सञ्जालन आः वइगु कात्तिक ११ गते लिपा जक न्ह्याइगु जूगु दु । त्रिविं थौं छगू सुचं पितबियाः असामान्य परिस्थितिया हुनिं आःयात कक्षा सञ्चालन याये मफइगु धासें छठ लिपा जक कक्षा सञ्चालनय् हयेगु धाःगु खः । सुचंखय् धयातःगु दु, “देय्या आःया असामान्य परिस्थितिया हुनिं आः वइगु चिकुला बिदा क्वपालेगु यानाः त्रिभुवन विश्वविद्यालयया फुक्कं कक्षात बन्द यायेगु निर्णय यानागु दु ।”
By सुनिता महर्जन
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।