येँदेय् दुनेया दश महाविहार या शाक्य परिवारया संगठन शाक्य महाविहार संघया स्वक्वःगु तःमुन्ज्यां श्रीघः श्रीशान्तिघट बज्रधातु चैत्य महाविहारया शुभकाजी शाक्ययात हाकनं छक्वः नायः ल्यःगु दु । उगु संघया गुक्वःगु साधारण सभा व स्वक्वःगु तःमुन्ज्या पाखें वयक लगायतया कार्यसमिति या पदाधिकारी व दुजःपिं सर्वसम्मत प्रक्रियां चयन जूगु खँया घोषणा सङघया कानूनी सल्लाहकार ज्ञानरत्न शाक्यं घोषणा यानादीगु खः । उगु कार्यसमितिइ उपाध्यक्ष निम्ह अमीरमान शाक्य व गौतमरत्न शाक्य , महासचिव संघरत्न शाक्य , सचिव राजेश शाक्य , कोषाध्यक्ष चैतन्यरमज शाक्य , सह कोषाध्यक्ष दीलिपरत्न शाक्ययात सर्वसम्मतं ल्यःगु खः । अथेहेतुं दुजः पदय् अानन्दरत्न शाक्य, चन्द्रलोक शाक्य, लेखरत्न शाक्य, मणिकर शाक्य, रोशन बहादुर शाक्य, विजयरत्न शाक्य असंबरे, सुरेश शाक्य,अनित बहादुर शाक्यं, तिर्थरत्न शाक्य, सुजेन्द्र शाक्य, दुर्गादेवी शाक्य,अमिरमैंया शाक्ययात नं सर्वसम्मत प्रक्रियां ल्यःगु खः । शनिवा छत्रपार्टी प्यार्टी प्यालेसय् जूगुु शाक्य महाविहार संघया स्वक्वःगु तःमुँज्या व गुक्वगु दँ मुँज्या ज्याझ्वलय् शाक्यवंश व दश शाक्य महाविहारको संक्षिप्त इतिहास शीर्षकया सफू विमोचन व झिगु शाक्य महाविहारया मू थायपा ९६ दँया पुष्परत्न शाक्यजुयात धु्रवतारा सम्मान नं यायगु ज्या जूगु दु । वसपोलयात हनापौ देछाया, दोसल्लां न्ययका व थायपा तपुली पुइका हनेज्या याःःगु खः । उगु ज्याझ्वलय् आर्यावलोकितेश्वर (जनबहाः द्यः) व बज्रदेवीया चर्या नृत्य नं न्ह्यःब्वयगु ज्या नं जूगु खः । शाक्य महाविहार संघया नाय शुभकाजी शाक्य सभानायसुइ न्ह्याःगु थुगु ज्याझ्वलय् संघया मूछ्याञ्जे संघरत्न शाक्यजुं प्रगति प्रतिवेदन न्ह्यःब्वयादीगु खःसा दांभरिं चैतन्य राज शाक्यजुं ल्याःचाः न्ह्यःब्वयादीगु खः । येँ महानगर पालिकाया उपप्रम्ुख सुनिता डंगोलया मूपाहांसुइ न्ह्याःगु थुगु ज्याझ््वलय् संघया न्वकुु अमिर मान शाक्यजुं लसकुस न्वचु बियादीगु खः । जीवित देवपिं श्री गणेश व श्री भरवया नं उपस्थितिइ थुगु ज्याझ्वलय् जूगु खःसा संघपाखें वसपोलपिन्त हनावना तयाः पुुजा व हलंज्वलं देछायगु ज्या नं जूगु खः । उगु ज्याझ्वलय् ज्याझ्वःया मूपाहां उपप्रमुख सुनिता डंगोल, प्रदेश सभाया सभासद शैलेन्द्र मान बज्राचार्य, पूर्व मेयर विद्यासुन्दर शाक्य, लुुम्विनी विकास कोषया सदस्य सचिव सानुराजा शाक्य, बौद्ध विद्धान देवकाजी शाक्य लगायतपिन्सं थःथःगु नुुगः खँ तयादीगु खः । थीथी शाक्य महाविहारया शाक्यपिनिगु उपस्थितिइ न्ह्याःगु थुगु ज्याझ्वलय् ज्याझ्वःःया अन्तय् सभापति शुभकाजी शाक्यजु्ं थःगुु नुगः खँ तया सभा क्वचायकादीगु खः । थुुगु तःमँुज्याय् न्हूगु कार्यसमितिया नांया घोषणा ज्ञानकाजी शाक्यजुं थःःगु मन्तव्य तसें यानादीगु खः । न्हूगु कार्य समितिइ पुलांपिं हे हानं निदँया नितिं ज्या यायत सभां अनुमोदन नं यायगु ज्या जूगु खः । न्हूगु कार्यसमिति ल्यःज्या जुइन्ह्यः जूगु ९ क्वःगु साधारण सभाय् येँ महानगरपालिकाया उपमेयर सुनिता डंगोल झायादीगु खः । संघया अध्यक्ष शुभकाजी शाक्य सभानायः जुयादीगु उगु सभाय् बागमति प्रदेशया पूर्व मन्त्री शैलेन्द्रमान बज्राचार्य, लुम्बिनी विकास कोषया सदस्य सचिव सानुराजा शाक्य झायादीगु खः । ज्याझ्वलय् मन्जुश्रीनक महाविहार अोमबहाःया पुष्परत्न शाक्ययात दश महाविहारया मू थायपा कथं हनेगुया नापनापं ध्रुबतारा सम्मान नं देछागु खः । थ्व सम्मान नगद झिद्वःतका नापं हनापौ मूपाहाँ डंगोल मयजुं लःल्हानादीगु खः । उगु हे ज्याझ्वलय् संघया महासचिव संघरत्न शाक्यं च्वयादीगु खस् नेपाली भायया ” शाक्यवंश र दश महाविहार को संक्षिप्त इतिहास ” सफू व उकियात देवकाजी शाक्यं अंग्रेजी भासं भाय हालादीगु” शर्ट हिस्टोरिकल बाएकग्राउण्ड अफ डाइनास्टि एण्ड टेन शाक्यज बहा” सफूया नं पितब्वज्या जूगु खः ।