Spread the love

नेवाः परम्परा कथं इहि मयापिं सच्छि व स्वीच्याम्ह कन्या कुमारी मस्तय्गु पुजा क्वचाःगु दु । कामपाया १२ वडा ह्यूमतय् ह्यूमत मिसा पुचःया ग्वसालय् जूगु स्वक्वःगु कन्या कुमारी पुजाय् वज्रयान पुजा विधि कथं १३८ म्ह मिसा मचातय्त पूजा याःगु खः । बसन्तपुरय् बिराजमान राजकीय कुमारीयात पूजा यानाः कन्यापुजा न्ह्याकूगु खः । उगु पुजाय् त्वाःया च्याम्ह थकालीपिनिगु उपस्थिति दूगु खः । येँ महानगरया उपमेयर सुनिता डंगोल मूपाहाँ कथं झायादीगु उगु पुजाय् साँखु नगरपालिकाया उपमेयर समिता श्रेष्ठ, कामपा १२ वडाया अध्यक्ष बालकृष्ण महर्जन, ज्यापु महागुथि, यँे महानगर समितिया अध्यक्ष पञ्च नारायण व ज्यापु संस्कृति विकास कोषया नायः मंगल महर्जनपिन्सं नं पुजा यानादीगु खः । पुजाय् ब्वति काःपिं कन्या मस्तय् थःथितिपिन्सं नं दक्षिण नापं मिसामचातय्त माःगु हलंज्वलं लःल्हाःगु खः । नायः मचननी महर्जनं ह्यूमत मिसा पुचलं जीवित कुमारी संस्कृतिया संरक्षण व विकास यायेगु कुतःया झ्वलय् स्वक्वःगु खुसिइ कन्याकुमारी पुजाया ग्वसाः ग्वयागु जानकारी बियादीगु खः । वय्कलं स्वक्वःतक देय्या थीथी थासय् बिराजमान जीवित कुमारी पुजा, पूर्व कुमारी पुजा यायेधुनागु व कन्या मस्तय्गु पुजा लिपा येँया क्बहाल, मूबहाल, चाबहिल, पनौतिइ कुमारी जुयादीपिं पुलांपिं कुमारीतय्गु लगत मुना सम्मान व पूजा यायेगु जानकारी नं बियादीगु दु ।

 

By सुनिता महर्जन

वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।

Leave a Reply

Your email address will not be published. Required fields are marked *