लोकह्वाम्ह संगितकार गोविन्द ह्युमतया १५ म्ये दुथ्याका गोविन्द ह्यूमत एकल साँझ जुइत्यंगु दु । वहे ज्याझ्वलय् वयकयात सम्मानित याइगु नं जानकारी संयाजक विजय लाल डंगोल जानकारी विउगु दु । उगु ज्याझ्वलय् ह्यूमतयात दिपा महर्जन व रत्न शोभा महर्जनं म्ये हालेत ग्वाहालि याइगु धका पत्रकार सम्मेलनय् जानकारी विउगु दु । टिकट मु ५०० तका क्वछिना नेवाः भाषायात मतिना याइपिन्त ग्वहालिया लागि इनाप यागु दु ।
By सुनिता महर्जन
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।