विश्व अग्रज दुव्यवहार जागरुकता दिवसया लसताय् न्हापांगु पलाया ग्वसालय् याकः मिसायात सम्मान ज्याझ्वः दुगु दु । बुङ्गद्य नापं स्वापु दुम्ह याक मिसाया भाला कयांवयाच्वना दिम्ह किर्तिपुरया मय्जु लक्ष्मी कुमारी श्रेष्ठयात हनेगु ज्या यागु खः । ज्याझ्वः या बारे कनाः दिसे पलाःया अध्यक्ष शिला साय्मि जु जेष्ठ नागरिक पिन्त आयागु दिनय् दिं छ्यलतहे थाकुगु अवस्थाय् थुगु संस्थां जेष्ठ नागरिकपिन्त न्हिनय् छथाय् हया म्ह्याइपु छेलेगु जक मखु विभिन्न इलय् स्वास्थ्य् उपचार, धार्मिक क्षेत्र भ्रमण, बाखं न्यकेगु आदि ज्या तकं जुयाच्वंगु खः । तर थौं कन्हे थाय्या अभाव यानाः जिपिं मुने मफया जेष्ठ नागरिक पिं उकुशमकुश जुयाच्व्ंगु अवस्था दुगुलिं सुनांन ग्वाहालि यानाःदिल धाःसा सहज जुइगु खँ कनादिल नापं समाजया हे उदाहरण जुयाच्वंम्ह याकमिसायात सम्मान याय् दया जिपिं लय्तायागु खँ कनादिल ।
नापं उयगु हे ज्याझ्वलय् मुँपाहाँ कथं झायदिम्ह सृजना सिंह थुगु संस्था यानाच्वंगु ज्या बांलागु जुगुलि थ नं थ्व संस्थानापं आवद्ध जुइ अले थ्व संस्थाया उत्थानया लागि अक्षय कोष स्वनेत २५५२५ ध्यबा चन्दा स्वरुप विइगु वचं नं वियादिल ।
अथेहे याक मिसानापं स्वापु दुगु खँ तसें प्रतीक महर्जनं जलपानेजु खालि तुतिं वया स्वाँ छा वईगु बन्धुदत्त,ज्यापू व नरेन्द्र देव वना ध्य कावनि तर कर्कोटक नागयात छु नं मान मदुगुलि मिसाया भेष कया सागु जुगुलि याक भुज्या न्ह्यागु कथन दुसा जात्राबलय् मागु ३२ निता लक्षण मध्य निगु लक्षण काय्त किपुलि वनाः पुवंकेगु खँ नापं स्वानातगु बाखं दु धका कनादिल
उगु ज्याझ्वलय् संस्थानाप स्वापु दुपिं अजिपिंं सकल सहभागि जुगु खः ।