येँ महानगर पालिका २७ वडा लागाय् च्वंगु महिला जनचेतना समाजया ग्वसालय् वंगु २०७९ असार २६ निसें २०७९ श्रावण ३ मंगलवाः तक न्ह्यानावयाच्वंगु १०न्हूया उद्घोषण,बौध्दिक,ब्यक्तित्व तथा नेतृत्व विकासया तालिम थौ बुधवाः दसिपौ बियाः क्व:चागु दु ।
थ्व ज्याझ्वःसं मू पाहाँ कथं येँ महानगर पालिका २७ वडाया नाय भाजु योगेश कुमार खड्गी ज्यु खः। अथेहे सल्लाहकार भाजु रोशन काजी तुलाधर खः। अतिथि कथं ईमेज च्यानलया महाप्रवन्धक भाजु रघुवर भक्त मानन्धर,हलिं नेवा: दबूया येँ कवःया नायः भाजु सुरेन्द्र भक्त श्रेष्ठ व येँ महानगर पालिका २७ वडाया महिला वडा सदस्य मय्जु सृष्टि कंसाकार तुलाधर झायादिगु खः। थौया ज्याझ्वःसं १०न्हूया उद्घोषण तालिमय् सहभागिपिंन्त दसिपौ लःल्हायेगु खः। थ्व ज्याझ्वःया प्रशिछ्यक भाजु रमेशमान मुनिकार खः। थ्व ज्याझ्वः प्रशिछ्यार्थि हिरा लछि्म महर्जन व इभा शाहीजुपिंन्सं न्ह्याकादिगु खः। थ्व ज्याझ्वः कथं बःचाहाःकगु स्वागत न्वचू मय्जु नानी मैंया महर्जनं बियादिगु खसाः ज्याझ्वःया सभापति व महिला जनचेतना समाजया नायः मय्जु भवानी भट्टराई जुं क्वचाय्कादिगु खः । ४ म्ह प्रशिछ्यार्थि पिन्सं बःचाहाःकगु नुगः खँ तयाः ज्याझ्वः झः झः धायेक क्वचागु दु ।