नेपालभाषा संकिपा ख्यलय् नांजाःम्ह कलाकार राजु महर्जनयात मातृशोकं कःगु दु । वय्कया मां माया महर्जन ८९ दँ दुम्ह होलि पुन्हि आइतबाः खुन्हु मदुगु खः ।
छुं हे स्वास्थ्य समस्या मदुम्ह महर्जन आकाझाका ज्वर वयाः निमोनियां जुगु लिसें तःक्वःमछि बान्ता जुइधुंकाः वयकयात थाकुगु खः ।
वयकयात न्हापा वासः यायेत पाटन अस्पताल यंकूगु खःसा । भेन्टिलेटरय् तयेमाःगु अवस्थाय् नेशनल अस्पताल यंकूगु खः । अनहे वय्क मदुगु खः ।
मदुम्ह महर्जनया अन्त्येष्टि वंगु आइतबाः हे यलया बालकुमारीइ क्वचागु खः । वयकःया चीधिकःम्ह काय् राजु महर्जनं मि तःगु खः ।
मदुम्ह महर्जनया जन्म वि.सं. १९९१ सालय् जूगु खः । मदुम्ह महर्जनया निम्ह काय् व निम्ह म्ह्याय् दी । मदुम्ह महर्जनया स्वम्ह काय् दुगुलिइ तःधिकःम्ह केशव महर्जन नं मदयधुंकल ।
By सुनिता महर्जन
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।