फिफा विश्वकप–२०२६ अन्तर्गत समूह ‘एच’ या उरुग्वे व साउदी अरब दथुया कासा बराबरीइ क्वचाःगु दु ।
अमेरिकाया फ्लोरिडाय् च्वंगु मियामी स्टेडियमय् थौं सुथय् जूगु कासाय् निगूलिं पुचलं १–१ गोलया बराबरी म्हिताः ल्याः इनाकाःगु दु । कासाया ४१ क्वःगु मिनेटय् साउदीं न्हापलाक कासा न्ह्यने यंकेत ताःलाःगु खः । उकिया निंतिं अब्दुल्लाह अलाम्रीं गोल यासें साउदीयात न्ह्यने यंकेत ताःलात ।
अथे हे, साउदीया १–० गोलया ताः ईतक न्ह्याकाः तुं च्वने मफुत । कासाया ८० गूगु मिनेटय् उरुग्वेया निंतिं म्याक्सी अराजों गोल यासें कासायात बराबरीइ हल ।
उकिया लिपा निगूलिं पुचलं गोल याये मफुत व कासा १–१ गोलया बराबरीइ क्वचाल । थ्व कासा लिसें समूह ‘एच’ य् प्यंगूलिं पुचलं न्हापांगु कासा धुंकाः १÷१ ल्याः काःगु दु । म्हिगः बहनि जूगुु समूह ‘एच’ या हे मेगु कासाय् स्पेन व केपभर्डें नापं १–१ या बराबरी म्हितूगु खः ।