इङ्ग्ल्यान्ड फिफा विश्वकप, २०२६ या क्वाटरफाइनलय् थ्यंगु दु । झिम्ह कासामि ज्वनाः म्हितूगु इग्ल्याण्डं अन्तिम १६ अन्तर्गत थौं जूगु कासाय् सहआयोजक मेक्सिकोयात बुकाः क्वाटरफाइनलय् थाय् दयेकूगु खः । मेक्सिको अज्टेका स्टेडियमय् थौं सुथय् जूगु धेंधेंबल्लाय् इङ्ग्ल्यान्डं मेक्सिकोयात ३–२ गोलअन्तरं बुकाः क्वाटरफाइनलय् थःगु थाय् पक्का याःगु खः । इङ्ग्ल्यान्ड त्याःगु कासाय् जुड बेलिङहमं ३६ गूगु व ३८ गूगु मिनेटय् गोल याःगु खःसा कप्तान ह्यारीं धेंधेंबल्लाया ६० गूगु मिनेट छगू गोल यानाः इङ्ग्ल्इान्डयात न्ह्यने लाकल । मेक्सिकोया निंतिं जुलियनं कासाया ४२ गूगु मिनेट व राउल जिमिनेजं ६९ गूगु मिनेटय् गोल यात । इङ्ल्यान्ड कासाया ५५ गूगु मिनेटं निसें झिम्ह कासामिइ सीमित जूगु खः । धेंधेंबल्लाया ५४ गूगु मिनेटय् इङ्ग्ल्यान्डया डिफेन्डर जारेल क्वान्साहं जेसस गालार्डोयात ट्याकल याःगुलिं ह्याउँगु कार्ड फयेमाःगु खः । इङ्ग्ल्यान्डं आः क्वाटरफाइनलय् नर्वेनाप म्हितीगु जूगु दु ।
नेवाः भासं सकतां बुखँ
