नांजाःम्ह संचारकःमिलिसेलिसें नेवाः देय् दबूया केन्द्रीय मूछ्याञ्जे, मेट्रो एफएमया ज्याझ्वः न्ह्याकामि, नेवाः राष्ट्रिय पत्रकार दबूया संस्थापक नायः, नेवाः अभियन्ता श्रीकृष्ण महर्जन ज्यापुयात मातृशोक जुगु दु । वय्कया मां बागमती महर्जन थौं मंगलवाः सुथय् ४ः५५ ता इलय् ८३ दँया उमेरय् मदुगु खः ।
वि.सं. २००१ सालय् जन्म जुयादीम्ह मदुम्ह महर्जनया संचारकःमि काय् श्रीकृष्ण महर्जन नापं स्वम्ह म्ह्याय् दु । वय्कया पार्थिव शरिरयात थौ हे किपूया दीखु दिपय् यागु खः ।
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं पूर्व केन्द्रीय दुजः जुयादी ।